منتديات الشرقية

كل مايخص ابداع منتديات الشرقية
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 قصه عدنان ولينا بالسعودي

اذهب الى الأسفل 
كاتب الموضوعرسالة
I am cool
المدير العام
المدير العام
avatar

ذكر عدد الرسائل : 993
العمر : 29
تاريخ التسجيل : 21/08/2007

مُساهمةموضوع: قصه عدنان ولينا بالسعودي   الثلاثاء نوفمبر 20, 2007 1:48 pm

عدنان) : شفيك يالينا معصبه ؟

(لينا) : مدري ياخوك احس اني بنخطف زي كل مره

(عدنان) : يهبووون سميرة وعلام وكل جنود القلعه

(لينا) : مانيب مرتاحه احس اني قبسه وشكلهم بيخطفوني

(عدنان) : اللي يقرب منك بتوطاه هنيا وادوووس على خشته

(لينا) : يابعد قلبي ياعدنان... انا اشهد انك ذيب

(عدنان) : كح كح تسلمين .. المهم وين عبسي؟؟

(لينا) : مدري يمكن يصيد ضفادع عشان الغداء

(عدنان) : وع الله يقرفه ذا الشين ... المشكله انه خويي ولازم اتحمل بلاويه

(لينا) : يمه يمه .. اسمع صوووت طيارة سميرة يااااويلي !!

(عدنان) : لاتخافين وقفي وراااي واللي يقول عن نفسه رجال يقرب منك



**سميره مع الجنود نزلو من الطياره**

**سميره تتكلم بالمايك من بعيد**




(سميره) : سلم نفسك ياعدنان ولاترز وجهك

(عدنان) : اقول تلايطي بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره .. اللي يرشها بالميه ارشه بالدم

(سميره) : اقول لاتتميلح وتسوي نفسك ي اوكي !

(عدنان) : لينا ماتبيكم ولا تبي عيشتكم .. لينا خطيبتي وانا متكفل بكل مصاريفها

(سميره) : الله واكبر على المصاريف ؟ كلها فستان واحد وطق لونه من كثر الغسيل


(عدنان) <<<< طاح وجهه


(لينا) : انتي عاوزه ايه ؟ انا موش هينا انا خرجت بره

(سميره) : اقول انطمي انتي الثانيه لاتسوين نفسك يه وتلعبين علي ... ترى حركاتكم هذي معروفه

(عدنان) : ماعاش اللي يقول حق لينا انطمي ... شكلي بشوتك باند من الجزيره



**صارت معركة قوية بين عدنان والجنود**

**في البداية عدنان صفقهم وبعد شوي طاح في الارض وتوطو بطنه**

**الجنود خطفو لينا في الطياره وانطلقو الى القلعة**




(عبسي) : عدنان لماذا انت نايم ؟ شفيك ؟؟

(عدنان) : اي.. اح.. ضلوعي متكسرة والركب تتصافق

(عبسي) : لماذا ؟ ماذا حدث ؟

(عدنان) : اقول انطم بس ... سميرة والجنود كانو هنا وتمردغوني وخذو لينا للقلعه

(عبسي) : افا ياذا العلم ؟ لماذا لم تناديني عشان اسوي فزعه ؟

(عدنان) : وانا وش عرفني في اي جحر انت ؟ طوول يومك تحووس ورى هالضبان والضفادع اقرفتنا في عيشتنا ياشيخ

(عبسي) : طيب ماذا سنفعل الحين ؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معه الفصحى



**بعد ساعتين مرت السفينه**



(عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا



**وصلت السفينة الى القلعة**



(عدنان) : انا بروح ادور لينا .. وانت وش بتسوي ؟

(عبسي) : انا بفتح اللاب توب واشيك على ايملاتي لين ترجعون <<<< وش حقه جاي ؟؟

(عدنان) : انتبه لاحد يشوفك وتوهقنا !! ترى كلها ساعه نسحب لينا ونعود ديرتنا

(عبسي) : لاتخاف اذا حد شافني بقولهم انا برب في المنتدى



**عدنان وصل الى غرفة لينا ويكلمها من ورى الشباك**



عدنان) : حياتي ليونه وحشتيني <<<

(لينا) : هلا والله ... ولكمووووووووو نورت الأمل .. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

(لينا) : تشتاق لكم العافية

(عدنان) : وانتي شلونتس ؟ وش علومتس ؟

(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم ... على فكره ترى عبسي جاء معي ويسلم عليك

(لينا) : وينه الشين ؟؟ شخباره ؟ عساه طيب ؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف ؟

(عدنان) : ابعدي شوي تراني بضرب القزازه براسي واكسرها



** تم انقاذ لينا وانطلقو الى السفينه**



(عدنان) : عبسي يالله سرينااااااا

(عبسي) :ولكموووووووو نورت الأمل هلا وغلا

(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه

(عبسي) : المصيبة ان القبطان نامق نايم مع وجهه

(عدنان) : دق عليه جوااال وخله يصحى ماعاد فيه وقت



**اتصــــــال**



(نامق) : الووو.. مين معي ؟

(عبسي) : نامق تكفى ترى تكفى تهز رجال

(نامق) : ابشر بعزك... امر وش بغيت؟

(عبسي) : قم شغل السفينه وخذنا معك نبغا نهرب من سميره

(نامق) :ياويل حظي لاتقول سميره ترى اخق من طاريها

(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف



**ركبو السفينة ونامق نزل عشان يتكلم مع سميره**



(سميره) : وينهم ؟ وين خبيتهم ؟؟ اعترف ؟

(نامق) : ياويل حالي.. عليك عيون ماهيب صاحيه

(سميره) : اقول تلايط بس.. وين لينا؟؟

(نامق) : سميره مستعد اعطيك لينا لكن عطيني قلبك تراني خقيت واللي كان كان

(سميره) : هاهاهاها ضحكتني ... قلبي وش تبي فيه ؟

(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين

(سميره) : ياولد استح على وجهك ترى جوالي سوى <<<< يعني افهمها واشحن

(نامق) : كل بطاقات السوى تفداااااك بس خليني اسكن قلبك لو ليله وحده كح

(سميره) <<<< تناظر في جزمتها ينقالها مستحيه

(نامق) : وش فيك تناظرين جزمتك ؟ ناويه تضربيني صح ؟

(سميره) : لا شدعوه ... بس كنت افكر في جوال الدمعه يقولون فيه بلوتوث وحركات

(نامق) : شركة نوكيا بكبرها ماتغلى عليك ياقلبي

(سميره) : يؤيؤ لهدرجه تحبني ؟؟



**عدنان طل براسه من السفينه**



(عدنان) : ماخلصتو انتو ؟؟ ياخي رقمها وفكنا ... نبي نمشي

(سميره) : تمشي في عينك .. انا بروح معكم لووول

(نامق) : تفضلي ياقلبي ادخلي برجلك اليمين

(لينا) : يمه يمه.. سميره بتروح معنا ؟؟ انا خايفه تضربني

(عدنان) : لا تخافين... نامق روضها خلاص



(عبسي) : كفوو نامق.. الحين نقدر نعيش مرتاحين

_________________
{ يا ايتها النفس المطمئنه ارجعي الى ربك راضية مرضيه فادخلي في عبادي وادخلي جنتي }
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shrqiia.com
ليتني معاك سهران...
عضو ممتاز جدا جدا
عضو ممتاز جدا جدا
avatar

ذكر عدد الرسائل : 204
العمر : 29
تاريخ التسجيل : 09/10/2007

مُساهمةموضوع: رد: قصه عدنان ولينا بالسعودي   الثلاثاء نوفمبر 20, 2007 5:36 pm

صراحة القصة عجيبة مشكور اخوي وماتقصر وجزاك الله خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sharqiia.ahlamontada.com
ahmed
المدير العام
المدير العام
avatar

ذكر عدد الرسائل : 1260
تاريخ التسجيل : 06/08/2007

مُساهمةموضوع: رد: قصه عدنان ولينا بالسعودي   الجمعة نوفمبر 23, 2007 12:23 am

مشكور على القصه المضحكه
يسلمو اخوي
والله يعطيك العافيه
تحياتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shrqiia.com/
 
قصه عدنان ولينا بالسعودي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشرقية :: منتديات الترفيه :: نكت وقصص مضحكة-
انتقل الى: